RIP. | @ritikapeace

Khush hu jo mili meri deh ko shaan nahi

DON’T HAVE TIME TO READ? LISTEN NOW!


ABOUT:-

The following written from a perspective of a “victim” who never was recognized, was ever on media, or in a court of justice, or in front of any law at all.

She is dead now and in some place after death.


DISCLAIMER:-

Strictly not for any promotional purposes and thus, shouldn’t be remade or reused in any form or way possible, physical or virtual. Share and spread the word of peace, that’s the only aim of this piece. No intention to hurt or disrespect in any possible way imaginable anyone’s ideas, beliefs, faith, or anything else, is attempted, made or even thought.

READER’S AND LISTENER’S DISCRETION IS REQUESTED.


“dekh le dekh le jahaan tu,
aaj fir ek baar aag lagi hai,
fir haath mein liye mombati,
justice ki guhaar lgi hai.

Sunna hai himmat darindo ki fir badi hai,
sunna hai media-wedia ne jalai ye ladi hai.

Ki yu toh mai waise vo tumhari Priyanka nahi hu–jiski suddenly shaan bdhi hai.

Mai hu vo ldki jisko zalimo ne nocha, khaya, peeta, cheera, aur fir jab hogaya, toh naa jaane kab, kaha, kaise, iss sukoon ki duniya mein aa gai mai.

Priyanka nahi hu mai. Par haan, uss jaisa hi kuch, mere shareer ke saath bhi hua.

Khush hu mai ki mujhe kisi ne dafnaya bhi nahi. Khush hu mai, jo meri shaan naa badhi.

Kisne kaha tumhe ki mai unn darindo ko marwana chahti thi? Kisne kaha tumhe mai unhe tadpana chahti thi? Mai unn jaisi naa hi thi, naa hi hu. Mera nanga shareer, jo vo choo naa skte, hota shayad unki saza ko kaafi.

Nahi. Ye meri nazar mein insaaf nahi jo yu tum sazaye maut sunate ho. Naa hi ye insaaf ki tum umr ked unhe krwate ho. Aur ho kaun tum jo mujhe ghar ke darwaazo mein aur kuch pdhi-likhi baato mein uljhaate ho?

Milti unki saza unko tb, jab mai unki maa-betiyo ko tadap dekh, unki maafi sunti shayad. Par nahi, mai unn jaisi nahi.

Kyunki, kya hi hai ye zindagi. Glti sirf uski bhi shayad nahi. Kri maine bhi kuch himmat ki kumi. Jldi hi shayad umeed haar di.

Kya krti par mai?? kya krti??

Mujhe laga tha, jaanwar aur insaan alag hai. Although, I knew, Darwin said, aisa kuch hai nahi.

Jaanwar nahi, insaan samajh ke gai– pighal gai. Par khush hu mai ab. Kyunki ab samajh chukki hu– mai koi nahi.

Nahi dhakta koi yaha ye jism apna. Sab jeete hai apni zindagi apne dhang mein. Haan hu mai ek rape victim tumhari nazro mein. Par nahi lutti hai meri izzat kabhi. Sadma tha– lagg gaya– mitt jata shayad. Khush hu mai, jo maar dia mujhe unn darindo ne.

Ab yaha zinda hu finally mai apne dhang mein. Pr kaash dikhai hoti itti himmat tum sabke beech mein.
kaash hoti mai yuhi thorda apne rang mein tumhare dhango ke satsang mein.

Naa hu tumhari behen, naa maa, naa koi aur—- bs hu toh ek jaanwar hi– thi kbhi insaan dharti pe. Toh koshish bhi naa krna mere naam ki chok pr apna naam bdhane ki, kyunki nahi hu mai Priyanka, ya Nirbhaya, naa koi victim mai. Azaad hu ab mai; naa hu uss junglee jism mein.

Kyunki nahi. Mai koi nahi. Mai thi toh thi bs insaan— ab hu toh hu bs mari hui insaan.
Khoob tadpi hu mai, bs mein nahi tha kuch mere.

Shayad tumhare bs mein hai. Bcha lo khud ko, aur ho tum, khud apne zimme.

Umeed matt haarna. Naa bn na kisi ka bhi samaan. Ho tum khud mein bhateri kaafi. Jo ho kbhi glti— chup-chaap haste huye aana iss (mere) jahaan mein, bhula dena saare jo zulm huye aur huye jo kaand.”


Copyright (c) @ritikapeace by Ritika Gupta December 2019

Exclusively & Proudly SCREAMED on Instagram | @ritikapeace

IF YOU LIKED IT, THEN CLICK HERE FOR SUPPORTING ME.

RIP. | @ritikapeace

Leave a Reply

Your email address will not be published. Required fields are marked *

Scroll to top